12–16 тамыз аралығында Шығыс Қазақстанда танымал тревел-блогерлерге арналған блог-тур өтті. Бес күн ішінде қатысушылар өңірдің ең маңызды көрікті жерлерін аралады: Бестерек ауылындағы мұражай, Сибин көлдері, Бұқтырма су қоймасы, қола дәуірінің петроглифтері, Қиын Керіш шатқалы, Марқакөл көлі мен Марқакөл қорығы. Маршрутқа сондай-ақ Ескі австриялық жол, Бұрқат асуы, ашық аспан астындағы «Берел» мұражайы, Язовое көлі мен Язовой сарқырамасы кірді.
Бағдарлама белсенді демалыспен толықтырылды — Бұқтырма өзенінде рафтинг және Алтай ауданындағы пантолечебницаға бару.
Блогерлер әсерлерімен әлеуметтік желілерде посттар мен бейнероликтер арқылы белсенді бөлісіп, Шығыс Қазақстанның туристік әлеуетіне назар аудартты. Мұндай іс-шаралар өңірді ілгерілетуге зор үлес қосып, оның жағымды имиджін қалыптастырады және қазақстандықтар мен шетелдік қонақтардың туристік қызығушылығын арттырады.
