2025 жылдың 26 қыркүйегінде Өскемен қаласында бизнес өкілдері, мемлекеттік құрылымдар, халықаралық ұйымдар мен әлеуетті инвесторларды біріктірген Altay Invest халықаралық инвестициялық іс-шарасы өтті.
Форум Шығыс Қазақстанның даму перспективаларын талқылауға, инвестиция тартуға және халықаралық ынтымақтастықты нығайтуға арналған маңызды алаңға айналды.
Іс-шара қорытындысы бойынша жалпы сомасы 740 млрд теңгеден асатын 40 меморандумға қол қойылды. Олардың ішінде энергетика, ауыл шаруашылығы, өнеркәсіп, туризм және басқа да салалардағы жобалар бар.
Туризм саласына ерекше назар аударылды. Атап айтқанда, келесі меморандумдарға қол қойылды:
Катонқарағайда құны 8 млрд теңге болатын қонақүй кешенін салу;
Үлкен Нарын ауданында 1 млрд теңгеге туристік демалыс кешенін салу;
Марқакөл – Ұрынқай жолын салу, бұл өңірдің туристік инфрақұрылымының маңызды бөлігіне айналады.
Altay Invest Шығыс Қазақстанның инвестициялық және туристік әлеуетінің жоғары екенін көрсетіп, халықаралық серіктестердің өңірді дамытуға қызығушылығын дәлелдеді.
